Host province sa ginanap na 29th Indigenous Peoples (IP) Month and IPRA Commemoration ang Probinsya ng Cotabato na ginanap ngayong araw, Oktubre 1, 2026 sa Provincial Capitol Grounds, Amas, Kidapawan City sa temang: Empowering Indigenous Peoples: Strengthening Rights, Culture, and Ancestral Domains.”
Naging panauhing tagapagsalita si Governor Emmylou “Lala” Taliño-Mendoza na nagpaabot ng kanyang mensahe ng pasasalamat sa naging kontribusyon ng IPs sa kasaysayan, at tagumpay na tinatamasa ng bawat komunidad sa bansa. Binigyang-diin nito ang kahalagahan ng Free and Prior Informed Consent (FPIC) isang legal na proseso at karapatan sa ilalim ng Indigenous Peoples’ Rights Act (IPRA) of 1997 na kinakailangan bago ipatupad ang isang proyekto o programa sa loob ng ancestral domain.
Dumalo rin sa naturang okasyon si NCIP Secretary Nancy Catamco, Vice Governor Rochella Marie Taliño Taray, Acting NCIP Regional Director Joey Bogay, NCIP Chairpersons, IP Leaders, iba pang provincial officials, at stakeholders.(IDCD-PGO)
