Nagpulong ang mga Tennun weavers, local government officials, cultural workers, at iba pang stakeholders para talakayin ang Basilan Industry Weaving Roadmap 2026–2030 Strategic Framework, Setyembre 28, sa Basilan Government Center, Sta. Clara, Lamitan City.
Nakatuon ang roadmap sa pagpapanatili ng cultural heritage, pagpapalakas at pagkilala sa mga magtetennun at pagbuo ng sustainable at creative economy para sa weaving industry ng Basilan.
Dumalo sa pagpupulong si Isabela City de Basilan Mayor Sitti Djalia Turabin Hataman, kasama ang mga Tennun weavers, department heads ng Provincial Government of Basilan,, Ministry of Trade, Industry and Tourism Provincial Director Argie Sarco, PGB Cultural Officer Munib Majirul at Architect Iñigo Roces.
Nagbahagi rin ng mahahalagang inputs si Marian Pastor Roces, isang tanyag na curator, habang dumalo rin si Bes Valdes, Chief of Creative Content ng Vogue Philippines.
Hinimok naman ni Mayor Hataman ang mga stakeholders at weavers na patuloy na tuklasin, kilalanin at muling bigyang-halaga ang Yakan Tennun bilang mahalagang bahagi ng kultura at pagkakakilanlan ng Basilan.
Isinasagawa ang hakbang na ito sa ilalim ng pamumuno ni People’s Governor Mujiv S. Hataman, bilang bahagi ng pagsusulong ng kultura, kabuhayan, at mga produktong likha ng mga Basileño.
