COTABATO CITY — Matagumpay na naghatid ng agarang tulong ang Project Tulong Alay sa Bangsamorong Nangangailangan (Project TABANG) sa pamamagitan ng pamamahagi ng 500 food packs para sa mga piling benepisyaryo sa Cotabato City at Maguindanao del Norte noong Hulyo 22, 2026.
Ang aktibidad na ito ay isinagawa sa ilalim ng Ayuda Alay sa Bangsamoro (ALAB) Program ng Humanitarian Response and Services Component.
Mga Benepisyaryong Komunidad
Kabilang sa mga nabiyayaan ng ayudang pangkain ang mga residente mula sa mga sumusunod na lugar:
- Maguindanao del Norte: Barangay Poblacion II (Parang) at Barangay Tuka (Sultan Mastura)
- Cotabato City: Barangay Poblacion II, Rosary Heights IX, at Rosary Heights XI
Layunin ng Inisyatiba
Ayon sa Project TABANG, pangunahing layunin ng programa na makapagbigay ng agarang tulong sa mga nangangailangang komunidad sa rehiyon upang matiyak na diretsong naaabot ng mga serbisyong makatao ang mga pinaka-nangangailangan nating mamamayan.
Pamunuan at Pakikipagtulungan
Isinasagawa ang matagumpay na inisyatibang ito sa ilalim ng mapagkalingang pamumuno ni Chief Minister Abdulraof “Sammy Gambar” Macacua at sa direktang pangangasiwa ni Project TABANG Project Manager Brahim P. Lacua.
Patuloy ding pinalalakas ng programa ang pakikipagtulungan sa mga lokal na pamahalaan (LGUs) at iba’t ibang community stakeholders upang mas mailapit ang serbisyo ng Bangsamoro Government at maipagpatuloy ang pag-abot sa mga mahihinang sektor ng lipunan.
